كيكة بشكل ومداق الميلفاي

ãäzak 2019/06/14

شارك Tweet شارك شارك Email

المقادير

•  4 بيضات 

• كأس سكر مايعادل 150 غ 

• كأس إلا ربع زيت مايعادل 100 مل

•  فانيلا ورش ملح 

• يوغورت أو زبادي وزن 110 غ 

• كأسين دقيق مايعادل 200 غ

•  2 خميرة حلويات مايعادل 16 غ

 مقادير الكريما :

• 2 صفار بيض

•  نصف لتر حليب

•  ملعقتين ك سكر

•  ملعقتين ك بودرة 

• الكريم باتيسيير

•  2 فانيلا

 للكلاصاج:

•  20 قطعة شوكولاتة بيضاء 

• 3 ملاعق ناباج 

• القليل من الكاكاو المر

•  رقائق كاوكاو او الفول السوداني للتزيين

الطريقة

كنخلطو البيض السكر الملح الفاني بخلاط يدوي مزيان نزيدو الزيت ثم اليوغورت اخيرا الدقيق مغربل مع الخميرة ونخلطو مزيان ونفرغو الخليط في مول مدهون بالزبدة ومرشوش بالدقيق القطر ديالو 26 وندخلوه يطيب. ملي يطيب نخليوه يبرد ونوجدو لاكريم باتيسيير ونقسمو الكيك على جوج ونوضعو نص في إطار إذا توفر. نفرغو الكريمة لي نخليوها تبرد غيير شوية ونغطيو بالنص الاخر ديال الكيك ندخلوها الثلاجة حتى تبرد تماما. نحضرو الكلاصاج كناخدو الشكلاط ندوبوه ونزيدو الناباج ونخلطو مزياان بخلاط يدوي حتى نحصلو عليه نااعم. نقصو شوووية نزيدولو الكاكاو المر ونديروه في بلاستيك ونخليوه على جنب. نفرغو الكلاصاج فوق الكيك بعد مابرد وحيدنالو الإطار طبعا ونتسنى حتى ينزل الزائد كله من الجناب عاد ندير خطوط من الكلاصاج لي ضفنالو الكاكاو وبعود أسنان نبقا ندوز باتجاه عكسي على الخطوط حتى نحصل على شكل الميلفاي. ندهن جناب الكيك بالكلاصاج لي هبط ونلصقو الكاوكاو ايفيلي بالصحة والراحة ❤️